放下心鎖

媽媽走了足足三年...終於得到安放的骨灰位!
呢三年雖然如常過日,但心裡面都係有塊石頭,每次想探媽媽都要去人地店舖...唉,感覺好怪!
有人一過身就有位,有人好似我地咁,漫無止境咁等,今次終於都抽到,
講唔上公唔公平,呢個世界本來就無公平,地小人口多....
將來我都係簡海葬...大家都自由!!

媽媽為我地一家...無條件咁只係付出,所以最後可以為佢做都盡量想做到最好,
由其妹妹特別緊張,一家人前後去咗兩次視察環境,
雖然好彩我地係今輪簡位的頭10%,但最理想的位置當然一早就比人囉咗...
昨日係要決定同簡位的日子,兩姊妹都好似傻婆..想起都好笑!
不過好神奇,簡到的位置好似係留咗比我地咁...想起更加覺得自己跟埋
妹妹一齊傻,真係攪笑!
世界就係咁,唔到你控制的事..卻自己走去緊張,擔心,憂慮,瞓唔著,心跳手震死細胞...
真係傻到不得了!

落實咗...依家就等日子安葬了!

希望媽媽會鍾意我地為您安排的地方,風景應該係個度最好的了!!