毛豆芝士(薯仔麵包)

毛豆好有益,而且因為媽媽以前成日烚比我地當零食,
所以好有媽媽的味道,可惜亞仔除咗薯條唔鍾意食呢種口感(粉)的食物,
之前烚好分小袋放冰箱,今日一個人食,就囉包出嚟做包!

昨晚用簡單揉的方式,無跟食譜做,只係將普通麵糰加埋薯蓉落佢,水份都係一邊攪拌,
覺得唔夠就加到自己鍾意的濕度,我鍾意麵糰濕d.
麵包焗出嚟好鬆軟,包咗毛豆同芝士條的麵包,味道好夾,口感好正(我鍾意的^^)

有好多人做麵包鍾意搽蛋係面,我個人覺得好麻煩,而且唔鍾意個樣,

我比較鍾意灑高粉或上新粉係面焗多d

焗好立即將兩個入袋放冰箱,聽朝囉出嚟一陣,放飯煲或焗爐番熱,

同新鮮做好一樣好味!