材料

今日去花墟買的材料,煮飯前先攪掂D香蕉醋,因為最簡單,
香蕉醋D香蕉好好味,食上引,今次改用牛奶蕉,而且跟自己口味落小好多糖,
唔理功效係點,最緊要食得開心....
其餘D材料,聽朝得閒先慢慢處理...做酵素做麵包,慢慢罰企!
要留力一陣煮飯!!

有檔花店D白蘭賣得好平,不過靚的好快比人買哂,

今日行過直頭無,點知買完嘢經過,出咗幾盒,真係秒殺,

慢一步都比人清哂!5元真係好平,今次仲好新鮮....