薑香芧酵素 (完成了)

終於又了咗件心事...真係要休息陣!不過仲有好多好多心思思想做的呢樣個樣....

呢個應該識合開始年紀大的我.....希望成功啦!
昨晚洗完哂D嘢風乾,今朝食完早餐,開始切好入樽,
咁樣又無咁阻地方,又唔洗係咁等...唔錯!

DAY-1 以前會無嘜汁液,點知第二日就咁多..

DAY - 10 依舊每日搖下,打開蓋就有好香甜的味道

DAY - 21 

完成了

拖鞋麵包

原本要留比老公早餐件法包(外買,自問無本事做)
比亞仔一句肚餓就變成宵夜 ^^"
今朝唯有早d起身焗包,6點至7點做咗好多嘢...整包燙衫攪個仔番學...
不過好滿足,除咗有早餐比老公放工食,仲比佢讚OK,
雖然比唔上外買法包,不過呢個包D口感幾好...
麵包係跟呢本書做,做落真係好方便

亞仔的宵夜,法包係CC叔婆買的

麵團好濕,磅唔到,好趕時間,所以分唔均勻 ^^"

黑芝麻蕃薯麵包

無糖無油的健康麵糰,加咗蕃薯比想像中更好味!

高粉  :             120g   

黑麥粉  :           30g
酵母  :                3g

塩     :                2g

水  :                 約99g

黑芝麻             15g

蕃薯                  60g (食譜是切粒,不過我用的係之前做定放冰箱的蓉)

麵糰搓到咁上下就分兩份,一份加黑芝麻搓....

環保酵素(開始至完成,持續更新)

原本聽朋友講完,好驚發酵期間會臭,所以決定放棄...
但睇完d資料又好想快d做,最大的動力係,代替清潔劑抺地方,係可以除蚊, 蟑螂, 蚂蚁, 壁虎&老鼠.....雖然唔係好怕呢d虫&小動物,但真係唔想出現係自己屋企 ><
依家等緊每日的廚餘,加夠數量就可以開始計時,三個月後就用得了!
材料簡單 : 1份糖 + 3份廚餘 + 10份水

31-10-13 上午完成第一步....其實D材料好乾淨,不過心理上覺得唔鍾意用手整佢,

一開蓋就好似氣水咁,有D驚佢湧出嚟 ....

過了一個月...

開始倒數30天,朋友說是雙皮奶 XD

這段日子在fb的群組裡,學了很多...充實!

鮮蕃茄羅勒黑麥餐包

因為仲有羅勒要快手清咗佢,所以將原先的乳酪份量,
改為一個大的鮮蕃茄,用攪拌機加羅勒葉,蜜糖,奶打勻....
包粒芝士....今朝老公難得開口話好味!

黑麥麵包

跟呢書做的黑麥麵包,做法簡單只係用多小小時間,不過我d普通焗爐真係好難做到法包較果,

不過皮係薄脆,裡面鬆軟口感都好好,只係唔好當法包食!

羅勒裸麥優格餐包

終於試到新鮮羅勒做出嚟的麵包係咩味...我一睇到食譜時已經好想試,昨天見到有細盒的新鮮羅勒,就立即買番屋企試,因為原食譜係用乾羅勒,我都係"段古"用咗7-8片葉去搓...今朝焗爐傳出香味,見到肥胖胖的餐包仔真係好幸福! 拿拿林將一半放入冰箱, 唔係我真係會忍唔住掃哂佢....麵包真係又香又鬆軟....可惜唔係住係台灣,無論係咩手作,台灣都好似四處都有得學,材料又豐富.....

食譜係跟 "Jane的歡樂廚房" 做的...http://blog.xuite.net/cjs068/mykitchen/85168510

放下心鎖

媽媽走了足足三年...終於得到安放的骨灰位!
呢三年雖然如常過日,但心裡面都係有塊石頭,每次想探媽媽都要去人地店舖...唉,感覺好怪!
有人一過身就有位,有人好似我地咁,漫無止境咁等,今次終於都抽到,
講唔上公唔公平,呢個世界本來就無公平,地小人口多....
將來我都係簡海葬...大家都自由!!

媽媽為我地一家...無條件咁只係付出,所以最後可以為佢做都盡量想做到最好,
由其妹妹特別緊張,一家人前後去咗兩次視察環境,
雖然好彩我地係今輪簡位的頭10%,但最理想的位置當然一早就比人囉咗...
昨日係要決定同簡位的日子,兩姊妹都好似傻婆..想起都好笑!
不過好神奇,簡到的位置好似係留咗比我地咁...想起更加覺得自己跟埋
妹妹一齊傻,真係攪笑!
世界就係咁,唔到你控制的事..卻自己走去緊張,擔心,憂慮,瞓唔著,心跳手震死細胞...
真係傻到不得了!

落實咗...依家就等日子安葬了!

希望媽媽會鍾意我地為您安排的地方,風景應該係個度最好的了!!

Black Pepper Muffin

秋日的早上...獨自在家...那就做個實驗麵包,因為屋企人食唔到辣,
所以只有(可以)獨食時,才可做來試試!

第二次跟足本書做,因為鍾意佢做法簡單而有彈性,唔洗一定要開焗爐,

由其今日只係做自己一人份量....不過作者教用一個膠袋混合材料揉麵發酵攪掂哂,

雖然好正又唔洗點執拾,不過都未係操作得好好,至於平底鍋做最嚟的包,

老公都鍾意,不過我就覺得接觸到煎PAN位的部份,雖然脆但如果凍咗唔及焗出嚟的好味.

加咗Black Pepper的麵糰好香辛,雖然都有D擔心好唔好味,但加埋芝士味道好夾!

作者係做好後加,我懶就直接包埋入去!!

香草檸檬焗雞

好鍾意呢個香草檸檬焗雞,簡單的材料,卻是開胃的一款餸!

今日索性將佢一開二,容易轉身....

毛豆麵包 & 麥麩貝果

感謝妹妹從台灣帶給我的禮物,昨晚已經急不及待的做好兩個麵糰.
一個是簡單揉書內的毛豆麵包灼麵糰,另一個是自己亂做的麥麩貝果麵糰.

秋天的早晨真係好舒服,好鍾意d風....
毛豆麵包焗咗一陣就好香,香到出廳,我自己加咗d芝麻咗面,加多一層香脆...好味好幸福!
有d驚老公唔知咩反應,問佢...點知都係那金句 {都係咁!} 唉,唔反感就OK,自己享受吧!!

今朝上午心情有D沈重....但難得時間遊閒,所以係做麵包的好時機,做麵包令我放下壓力,
麥香和麵糰質感令我幸福.....第一次不急不忙的包貝果,所以今次樣子係我最滿意的,
希望味道都好啦,因為係想帶給妹妹的心意.....

等了很久的書

我最常看常跟著做的網誌 { Cecillia 優雅過生活 }的 Cecillia 終於出書,
我當然好心急想買啦,點知香港等極都未有,比我想到去教協訂,
不過要等一個月...都OK,等好過無,點知比我係商務見到,但已經訂咗就等吓啦,
話哂有折,退休唔可以亂洗錢....點知一等足足兩個月,仲話無要再等....
剛好妹妹出發去台灣玩,立即拜託佢幫忙搵,真的好彩比佢搵到,
仲要係得一本咁大把!
真係感激妹妹&妹夫,每次出外都拜託佢買嘢,
去加拿大幫我買楓糖,仲要係咩款都買齊番嚟.....真係有D過意唔去!

本書一到手,第一時間係包好佢,之後先慢慢睇!!

簡單的一餐

老公係公司做咗20年,今日去會展食週年飯,因為無預亞仔唔番屋企食,
所以我都無留位去!可惜...轉眼廿年,真係好難想像,仲要15年無病假無遲到...
呢d員工去邊搵 !

今晚一個人都唔知食嘜,呢兩日無嘜狀態,要有咁簡單得咁簡單!
飯熟加d柚子味的麴酢,加d五味粉攪勻,中間加小小塩麴鮭魚,
樽嘢係日本買,唔咸但好香口的魚肉碎同d雜菜,餸飯好好味,食時再加塊紫菜
一陣就比我掃哂....太飽,用梳打氣水加紅果醋當氣水飲,滿足了!

毛豆芝士(薯仔麵包)

毛豆好有益,而且因為媽媽以前成日烚比我地當零食,
所以好有媽媽的味道,可惜亞仔除咗薯條唔鍾意食呢種口感(粉)的食物,
之前烚好分小袋放冰箱,今日一個人食,就囉包出嚟做包!

昨晚用簡單揉的方式,無跟食譜做,只係將普通麵糰加埋薯蓉落佢,水份都係一邊攪拌,
覺得唔夠就加到自己鍾意的濕度,我鍾意麵糰濕d.
麵包焗出嚟好鬆軟,包咗毛豆同芝士條的麵包,味道好夾,口感好正(我鍾意的^^)

有好多人做麵包鍾意搽蛋係面,我個人覺得好麻煩,而且唔鍾意個樣,

我比較鍾意灑高粉或上新粉係面焗多d

焗好立即將兩個入袋放冰箱,聽朝囉出嚟一陣,放飯煲或焗爐番熱,

同新鮮做好一樣好味!

炆牛筋腩

雖然整過好多次,不過今次最滿意,我完全無落水,落咗D醬油麴/酒/一罐去皮蕃茄/一小包茄膏,所以D汁好濃好夠味,花墟買的薯仔好好味...下次要買多D!

 呢支茄膏係去旅行時買的,一盒有6小包好方便,唔驚用唔哂!

我的第一樽酵素{完成了}

忙咗一朝....終於做咗我第一樽生果酵素{山楂/奇異果/橙},雖然做法好簡單,但因為要乾淨又唔可以濕,今朝真係好似醫生入手術室咁! 其實真係唔太適合我呢D性格急躁的人做,但為咗健康都要的起心肝做,原來無諗過落奇異果,不過屋企兩個橙有D乾,驚會好小汁液,所以就落多兩個屋企有的存貨....
如果搵到合適膠盒,我都好想試下做埋清潔用的餘廚酵素.

酵素 Day 2 待產心情 ><

酵素 Day 5 好擔心面頭發毛,日搖夜搖 

酵素 DAY-6 終於有泡泡出現

Day - 8 每日都開蓋,唔想有酒味,勁多泡!

DAY - 13 D糖未熔哂,決定浸多一個星期....

DAY 22

其實應該四個星期收成會好d,因d冰糖仲差小小未熔哂,

不過見d泡已經開始小,實在忍唔住,可能有足夠的糖,所以都好安全,

連白菌都無,本來裝入一早預好的樽,點知裝唔哂,想咗一陣都係決定

換入大樽,費事分二樽,餘下的料我加水,沖咗第一杯酵素飲,

因為老公話等我做白老鼠先,我就唔理佢有無酒味,

雖然一直每日開都有酒味,但飲時又唔太覺,小小啦!

但.....真係好好味!

 無期望佢可以醫病,不過實在食咗太耐藥,如果佢可以保健都已經唔錯!放雪櫃慢慢飲!

當然我點會只係做一樣嘢,同時間就蒸好D蕃薯,留兩個黃心蕃薯午餐食,其餘就壓成蓉,

磅好分小袋入冰箱,得想用時除時有得用!

照燒雞腿排

跟 小小米桶 http://www.wretch.cc/blog/mitong/22972035
她的新網站 http://mitongwu.com/
做的照燒雞腿排,做過好多次,簡單又好味,
以前會買李記的照燒雞汁,雖然都好味,不過呢個更方便,
食得更安心....今日將醬油改咗用醬油麴....好味!!

用 Staub pen 好方便 !

香蕉醋遇上牛奶

買咗d韓國姐果醋,明天才送貨,飯後心思思想試,
就用浸好的香蕉醋試吓, 50ml香蕉醋加上200ml奶,
搖幾吓,真係好好味...像飲好香濃的香蕉乳酪咁!

材料

今日去花墟買的材料,煮飯前先攪掂D香蕉醋,因為最簡單,
香蕉醋D香蕉好好味,食上引,今次改用牛奶蕉,而且跟自己口味落小好多糖,
唔理功效係點,最緊要食得開心....
其餘D材料,聽朝得閒先慢慢處理...做酵素做麵包,慢慢罰企!
要留力一陣煮飯!!

有檔花店D白蘭賣得好平,不過靚的好快比人買哂,

今日行過直頭無,點知買完嘢經過,出咗幾盒,真係秒殺,

慢一步都比人清哂!5元真係好平,今次仲好新鮮....

熊西多

一到放假,亞仔就晚睡晚起,小學之前都仲係永遠比我更早起身的孩子,
那時仲覺得辛苦,因為亞仔唔鍾意瞓覺,迫住自己都無得懶床.......
應該係早餐的午餐....前奏 =="
熊西多 - 細開口切開裡面,塞入Mozzarella芝士 ....