發芽菜

找了很久,因為孤寒...連缸瓦佬都賣$88...覺得好貴
今日買餸時走入雜貨店想睇架,
點知架睇唔到,比我見到佢
係我鍾意的圖案
不過,我唔好茶,唔係買嚟沖茶
係買嚟發芽菜用

三文治包

香草

找了很久,幾位朋友猜了很久,大至確定它是 洋茴香（蒔羅草）

朋友給的香草,一聞就因它的清香吸引愛上...捨不得扔棄,就用水浸著,

生命真奇妙,不是很老的枝也能繼續生長....

煙肉麥穗黑麥包

昨晚的麵糰超級難處理而且入膠袋是很錯的決定
但雪櫃沒有位置放玻璃碗,今早用了15分鐘才把麵糰取出...
但...我真的喜歡處理濕麵糰,除了這次要從膠袋完全取出
簡直是戰鬥一樣....
濕麵糰好玩,而且成品口感更有彈性又軟熟,外脆內軟
今天的 煙肉麥穗黑麥包 真的難以形容的滿意
用了比較好的煙肉也有影響,麵糰沒油份,也極小糖鹽,
當焗的時候煙肉的油份被熱度迫出煙肉不再油膩,
麵糰表面底部也都脆皮了,加上香草,黑芝麻,芝士粉,
廚房的香味誘人

拖鞋包

少爺上學後一直好忙,升職加薪後責任重大更忙...
住得遠連續5天3餐都在外面解決...
可能咁...所以我整早餐時已經開始有D心理不平衡...
香港想買平靚正沙律菜話難唔難,話易唔易,
昨天去將軍澳買,店舖維修.
再去太子買,比起屯門見到的細棵,又想起屯門一田買那盒
更買唔落手.
唯有去樂富看,同我每次去的樣,見到佢蕃茄開箱,
最後買了蕃茄同青瓜...
另外買了三個黃肉蕃薯,好睇唔好食,有被騙的感覺...

拖鞋包是跟藤田千秋" 只要一個缽碗 免揉麵包輕鬆做"
我最愛的懶人麵包輕鬆做....

胡桃芝士裸麥麵包

昨晚無搓定麵糰,因為想出街嘆早餐順便去一田剪綵,
不過唔係好多嘢要買,都係唔想同人迫,
想咗一晚都決定唔到,外面真係好難搵食,
今朝早起先求其整個麵糰焗包算,
最近有D心跳,試下唔飲咖啡會唔會好D,
開咗分享水克比谷友時收到的禮物,
打開就聞到好香甜的味道,望落唔似茶似果肉,
更合我心意,焗完D色好靚,飲時係又香酸...
我只係落咗一小匙糖..因為鍾意佢酸
再加一個 胡桃芝士裸麥麵包...係我今朝豐富的早餐

香草茄汁豬仔骨

因為覺得用焗爐焗會好乾,又唔想用鍚紙,
思前想後,決定用快速煲先想醃好的豬仔骨煲熟,
之後入爐上色,果然肉質軟熟多汁,真係唔錯 ...

天酵 牛奶 椰絲 饅頭

每逢唔洗做埋人地嗰份早餐,可以自己嘆的日子.
我就會忍不住做饅頭,又擺得,又好味..

冰箱的酵種回溫幾日,差d忘記咗佢...
因為唔想留種,昨天有時間就囉出嚟加10克粉同水室溫發酵,
買完餸發屋企已經做得麵糰,活力十足

手痕就加d椰絲落麵糰,充滿椰香...
但原來唔同焗包,係食得出有椰絲的...
試吓塗d AEON出的黑芝麻醬(撕了招紙睇唔到係咪無糖)
饅頭反而無就咁食咁甜...唔甜就啱哂我

天酵 牛奶 椰絲 饅頭

米麴豆腐乳

今天在超市見到呢隻豆腐好硬身,有黃白兩種,
立即忍不住買來試做米麴豆腐乳.
一加鹽水豆腐就浮起哂

DAY 7

Pizza

今日又要分多半份 pizza 比阿仔...

溫室

只是滿足對喜歡種植的自己....小小的慾望!!

敗的時候難得沒去想...是否有實用價值....

只是想...我抬得起它嗎?

巨腸包

雖然昨天被外面悶熱的空氣焗到,攪到好唔舒服,
今早都好難起床
但第一次..少爺問仲有無多個麵包,而且條腸仲有d辣...
那刻覺得咩都值

肉鬆芝士&,蕃薯芝士麵包

奇妙的生命，想不到真的發新芽，但還沒有根長出…期待
今天的肉鬆芝士&,蕃薯芝士麵包也灑上清香的香草

胡桃南瓜子葡萄乾麵包

少爺自從暑假開始，有咗自己新愛好同目標後，真係好忙…但更積極！其實真係好感恩佢學校d老師真係好好，回想小學那班XX,
算是也希望是苦盡甘來吧！
想起我媽咪的兩個女，一個要擔心佢太懶，一個要擔心佢太博命
依家我心情就係咁今早6:10分鐘未嚮又自己起咗身準備返學，我都唔會瞓得著，就早d起身…攪事

終於用哂d舊粉,今日試新粉..皇后
同用開的昭和係有分別....
麵糰的手感更令人心動迷戀...
平時食咩都無表態的話口感係唔同...
我自己覺得味道無咩特別,
但一路食覺得似食街外麵包..
但唔係空氣包,因為今日麵包做得好綿密...
本來就表達能力差,而且口味真係好個人的,
所以要講的係咁多 ...╮(╯▽╰)╭

胡桃南瓜子葡萄乾麵包

拖鞋包

其實我都幾鍾意吹水,但有時又突然咩都唔想講,
覺得好懶...
懶得去浪費氣力....
懶得去進行口不對心的對話...
更懶得去為迎合別人而講費話...🙅
可以做個笨一點的人,別人說什麼也當真就好了!o>_<o~

拖鞋包
可惜沙律菜食哂,鬆軟的麵包變得有點不足

薄餅

我很喜歡吃厚批,可能我喜歡吃麵包不喜吃餅乾 !
還是很熱...想起兒子慢長的上學路程🚇,真不想打風...

新買的芝士刨很好用...

一田買的羅馬菜雖然新鮮,但不夠清脆,可能品種問題吧!
真想試下荃灣的沙律菜,上次沒買,一直念念不忘....

中唔到六合彩唯有繼續面對現實.....
早晨 薄餅

免揉塩麴芝麻麵包

昨天朋友分享自家種的香草時,因為已經收過乾的,所以諗住唔要
等其他朋友仔可以試下,點知聽到話...可以放落麵包立即貪心,
係朋友手中搶番一兩支....
今朝立即灑d係包面,可惜太輕手,因為以前試過重手,攪到包包有苦味
那次是我第一次無奈的扔包,留下好大創傷...
雖然小,但咬落去都有陣陣微香,我估割口灑呢隻香草加牛油,一定勁正!
假期...小不了阿仔鍾意的主角沙律菜 ...
簡單早餐麵包-免揉塩麴芝麻麵包

南瓜麵包

以前媽媽說,木棉花開就熱,中秋過後便涼,

但看著外面的天空,和頸背剛舒緩一丁點的濕疹,真不想出門....

庸懶的早上...來個香軟的南瓜麵包

喜歡麵包的顏色以及小許蜂蜜帶來的香氣!

米飯咖啡麵包

加了葡萄胡桃的米飯咖啡麵包

減糖雖然有點淡口,但米飯麵包好鬆軟...
希望老板慢慢習慣清淡....
隨年紀增長就要....淡薄 甜 膩 !!