薄餅的免揉麵糰

我仔一係屋企,就成日問有無嘢食….

嚟緊考試早放,之後仲放暑假,想起都驚,

係度分享一個免揉薄餅的食譜,因為原食譜係書睇到,

唔知可唔可以照抄出嚟,所以我就只分享我做的份量
(想要唔同份量自己加減),同大約過程….

先將  330ml 暖水(我從來都無用暖的)

       7.5g 酵母

       10g 鹽

       26g 橄欖油(我用米油)  

攪拌好,再加450g 麵粉(我用高粉) 攪拌均勻

盒蓋一定唔可以密實的,放2小時至三倍大,無都照放入雪櫃

可以放12日,用完唔洗洗盒,照做一份麵糰加落去就可以!

到做薄餅啦,超簡單….開爐預熱220度,囉麵糰出嚟,

要幾多就cut 幾多,未用完番入雪櫃,

將麵糰用手按自己鍾意形狀,落鍾意的材料,

落芝士,我整好通常用20分鐘剛好預熱完焗爐,之後就入爐,

約30分鐘,芝士都變金黃就可以囉出嚟食啦!

雖然未必係最好味的薄餅皮,但都相當唔錯,

算係最快手可以做嚟滿足亞仔!