焗蜜糖芥末黑豚肉

我每次去大埔都會買定各種排,肉片,排骨的黑豚肉放冰箱,唔想買餸的日子都有得食!
其中我一定買的好似叫第一刀,係一大舊咁,回家解凍後,將佢分三份,
用塩麴醃一晚,早上再加义燒醬,到晚黑就焗得,佢質地實但咬落去多汁軟熟,
食過的人都話好味不過,今日忘記買义燒醬,就決定用蜜糖芥末,蜜糖,雜香草乾醃,
之後用新買的小Lodge Logic 鑊仔煮個汁,早排去SOGO望吓見佢最細呢個番咗貨,仲做8折,
跟住行去STAUB又做買一送一,就買番個焗盆,可以焗豬排飯呀意粉呀比亞仔....
可惜大的得番一個,另一件唯有要個細小小的
今晚個仔食完一"大"碗飯都仲問有無飯,佢話個餸好好味,真係好滿足!

另外用新成員蜂巢鍋爆炒芥蘭,雖然鑊細菜多,不過真係一陣就縮細哂,
炒菜聲好正...不過我都有息火加蓋一陣...今晚的簡單碟頭飯!