黑豆亞麻子饅頭

昨天被迫出外一天,越係做唔到就越想做,
全日心思思,晚上洗完碗立即開工,
一口氣做咗兩份麵糰,
免揉薄餅做定隨時亞仔話肚餓都有嘢滿足佢,
饅頭就係我今日的早午餐
食譜係跟"Carol 自在生活 的黃豆小麥胚芽饅頭"做的
不過轉咗才料,係吉豬買的黑豆粉好香加埋亞麻子粉,
做出嚟口感比小麥胚芽粗D,不過可能做中種的關係,
加埋白神酵母,饅頭好鬆軟好味!

焗蜜糖芥末黑豚肉

我每次去大埔都會買定各種排,肉片,排骨的黑豚肉放冰箱,唔想買餸的日子都有得食!
其中我一定買的好似叫第一刀,係一大舊咁,回家解凍後,將佢分三份,
用塩麴醃一晚,早上再加义燒醬,到晚黑就焗得,佢質地實但咬落去多汁軟熟,
食過的人都話好味不過,今日忘記買义燒醬,就決定用蜜糖芥末,蜜糖,雜香草乾醃,
之後用新買的小Lodge Logic 鑊仔煮個汁,早排去SOGO望吓見佢最細呢個番咗貨,仲做8折,
跟住行去STAUB又做買一送一,就買番個焗盆,可以焗豬排飯呀意粉呀比亞仔....
可惜大的得番一個,另一件唯有要個細小小的
今晚個仔食完一"大"碗飯都仲問有無飯,佢話個餸好好味,真係好滿足!

另外用新成員蜂巢鍋爆炒芥蘭,雖然鑊細菜多,不過真係一陣就縮細哂,
炒菜聲好正...不過我都有息火加蓋一陣...今晚的簡單碟頭飯!

貪心

由喜歡到買回家,每個鍋子都是真的想用材買回家,
而這兩位最貴的成員,我承認帶它們回家是因為私慾...

除了綠色,我和老板都很喜歡黃色,但黃色不再出了,
感謝日時SOGO原本有7折,但那位的身卻有一劃花痕,真的很失望,
後來給我在永安遇到它,最後一個而且接近完美,
我總共去了三次,每次看完最後都因為良心過意不去而離開,
有天突然覺得...帶它回家吧!這樣就不用心思思了!

薄餅的免揉麵糰

我仔一係屋企,就成日問有無嘢食….

嚟緊考試早放,之後仲放暑假,想起都驚,

係度分享一個免揉薄餅的食譜,因為原食譜係書睇到,

唔知可唔可以照抄出嚟,所以我就只分享我做的份量
(想要唔同份量自己加減),同大約過程….

先將  330ml 暖水(我從來都無用暖的)

       7.5g 酵母

       10g 鹽

       26g 橄欖油(我用米油)  

攪拌好,再加450g 麵粉(我用高粉) 攪拌均勻

盒蓋一定唔可以密實的,放2小時至三倍大,無都照放入雪櫃

可以放12日,用完唔洗洗盒,照做一份麵糰加落去就可以!

到做薄餅啦,超簡單….開爐預熱220度,囉麵糰出嚟,

要幾多就cut 幾多,未用完番入雪櫃,

將麵糰用手按自己鍾意形狀,落鍾意的材料,

落芝士,我整好通常用20分鐘剛好預熱完焗爐,之後就入爐,

約30分鐘,芝士都變金黃就可以囉出嚟食啦!

雖然未必係最好味的薄餅皮,但都相當唔錯,

算係最快手可以做嚟滿足亞仔!