最近做的酵素

·                                 酵素做法有好多,但因為我個人唔想做糖份高的酵素,一般都會做 水果:糖 1: 1 的份量, 我就只會盡量用30%糖份,將用具消毒,水果會連皮洗,所有嘢風乾,唔好有水份油份,因為我用糖小,我會將水果切片放入大碗內,加糖,拌勻到每片水果都有糖痴住,就倒入玻璃瓶內,鬆鬆地蓋住 (有人用保鮮紙或廚紙包住)糖熔後每日攪拌一兩次,(無咁易酒化,不過有d生果好難避免酒味)發酵時會有泡泡,當你搖玻璃瓶無泡泡上升時,代表發酵完成,就可以收成,過濾放雪櫃慢慢飲!

 蘋果酵素

唔會再做第二次的龍眼雪梨酵素,食咗佢無咁辛苦,

兩磅拆出嚟只有半樽500ML都無.

好奇怪...用手攪感覺到油,眼睇都似有油,
但洗手又無嘢,用隔油篩也篩不到....