禮物

生日....老公突登去尖沙咀買的韓國泡菜!
每款都好好味,每啖都好滿足!
唔會過辣過咸...我去超市已經唔係買包裝好的那種,不過真係唔同層次!
心裡覺得最好的禮物...

環酵

因為做酵素有好多果皮,扔了浪費,所以就再用嚟做環酵

23-11-13 DAY-1

酵素好味有益,當天然保健食品,自己做最安心,

因為想分享比家人,做吓做吓就......

一見到水果就想買嚟做 - 職業病 ^^"

將兩支小的加在一起,慢慢酵.....

維也納香腸卷

掛住做第二D嘢,攪到過火,但老公話正....唉...

亞仔的一齊發酵完放雪櫃,佢起身囉出嚟灑D芝士焗,

佢話D腸好味,唯有星期一再去掃多兩包.....

第二瓶 香芧薑酵素

雖然第一瓶 都未收,但因為想分D比妹妹試飲,
一瓶 做好唔多,所以盡快做多瓶大的....
手指傷咗,起檸檬核時好嗱,而括薑皮
真係辛苦,做薑醋的母親們真係直得敬佩,
無愛係無法完成,對我嚟講.....
上網睇過呢個玻璃瓶資料,應該安全,所以未買到合適前都係用住先...

23/11 貪心-追加2/3個菠蘿&兩個檸檬

DAY-1

DAY - 8 加咗菠蘿充滿活力

DAY-19

木瓜酵素

買了本地木瓜做酵素,原本想買剛轉紅肉的生木瓜,
因為唔識簡,囉上手都係實,點知開咗裡面又軟又甜,
不過都照做,第一日打開聞真係好似....X味... OO"
之後每次打開都好似雪耳木瓜糖水咁味,好吸引!!

DAY -8 因為菠蘿放唔哂落薑那邊,就加咗D落呢度,

立即充滿活力,個木瓜真係太熟.....

2014-01-07

發芽玄米麵包

在數字屋買了一盒發芽玄米粥,用來代替水份,
做芝士餐包,鬆軟好味!

芝士包

清存貨的芝士包

試新粉

一路都用開昭和粉,佢出多咗三款新粉,所以包友訂粉時,
囉d嚟試,下次就可以自己訂大包的....結果加埋法粉烏冬粉一抬就十幾kg....
原本以為囉比老公試答案都係....{ 都係咁,食唔出...}之類

用兩隻高粉做咗兩份一樣基本麵糰,結果老公食得出,答案係其中一個無味....
比較受包友歡迎的搓揉時真係幼滑,麵糰好似baby的皮膚咁,
另一隻搓揉時已經有陣陣麥香...

試完,立即加料,唔係吸引唔到少爺食!!

紫薯芝士餐包

焗咗兩底,呢底焗耐咗3分鐘,立即食就好味,因為灑咗上新粉,
表面脆的,但涼咗就厚麵皮了!

火腿條

用做麥穗包的麵糰包- 蜜糖火腿片,加d芝士粉同香草
卷成長長一條,食得好方便

平底鍋麵包-芝士咸牛肉

加咗  whipping cream 的麵糰,又香又軟熟

酵素

今日專程出大圍,想買多個大玻璃樽,因為好想做菠蘿酵素,可惜白行!
第一次用的樽有色始終有d驚,但又忍唔住買咗好多生果,
唯有搵屋企用得又比較大的玻璃瓶,但真好細,生果批完,
放唔哂,連糖都放唔入,要等夜d熔咗有位先再加番!

菠蘿酵素

原本想同菠蘿放埋一齊的.....柿+豐水梨酵素

上面第一樽塞唔哂一個菠蘿,唯有搵多個樽,兩個檸檬用哂,用橙代替.

菠蘿萍果橙酵素

醬油麴 (開始至完成,持續更新)

上一次去旅行回來後有菌所以忍痛扔了,旅行買的快用完,所以再嘗試做過....
網上很多朋友都發酵一個星期完成,但我當初請教的第一位老師,
她教的做法是發酵一個月才成熟,再入雪櫃存放3-4個月味道最好,
所以決定還是跟她的做法!

三個星期了,決定唔得一個月,將佢收入冷宮,三個月後先開始用

黑啤麵包

以前做過一次,酒味太重,今次煮過d黑啤,
低溫發酵,出嚟鄟效果充滿彈性,淡淡的香味....唔錯!
錯意個啤酒樽所以買,不過開時卜一聲巨嚮,嚇親><
如果留嚟裝酵素,唔知每次開會唔會咁....

煲仔飯

今晚自己唔想食飯,唔開電飯煲用14煮鍋肉片煲仔飯比亞仔食,
真係好快手!前後廿幾分鐘攪掂,
不過仲有代改善,應該落肉前攪一攪d米,
因為亞仔話面硬d底濕d喎!

玄米芝麻貝果

加咗玄米粉芝麻的麵糰,好香....

貝果煙UN好味 !

毛豆麵包

玄米蔾麥麵包

加咗煮熟的玄米蔾麥的200G麵糰,發到嚇親我!
平時300G粉都未必發滿呢個玻璃碗....

麵包焗出嚟皮脆,口感好有彈性,好好食!

啫喱卷

唉!我真係同甜品八字唔夾,連咁簡單的啫喱卷都卷到爛哂....
不過原本以為好甜,但只係酸酸甜甜都唔錯,
下次應該可以做得靚d!

芝士咸牛肉麵包

洗較剪時介親手指公,痛咗幾日,無做麵包.....
離開冰箱的芝士要快d清咗佢,所以做呢個包,個樣好肉酸,
不過老公一路食一路話,麵包有餡都係好味d ....

口袋麵包 & 燕麥芝麻餅乾

亞仔好鍾意加咗沙律菜的包,所以今朝做口袋包,可以塞多d菜同料,
又唔怕漏d汁料出嚟...我覺得唔錯,老公就話卷餅好食d.

下午茶試整咗優雅的燕麥芝麻餅乾,我無葡萄乾,所以加咗d係叔婆買的焦糖粒,

好香好味,不過正如我預料...亞仔唔錯意食!不過都無所謂,口痕食真係幾好,

無咁大罪惡感,又真係好味!做法又簡單....

食譜 : http://www.cecillia.com.tw/2013/10/blog-post_23.html

百搭風味捲餅&紫薯糯米煎餅

今日狀態唔好...頭赤赤!做咗呢個"Cecillia的比免揉麵包更簡單"書內的食譜,
百搭風味捲餅,真係超簡單又快手,而且好合屋企兩位大爺口味,因為唔夠粉,幾驚少爺仔追加 ^^" 

自己唯有煎個紫薯糯米煎餅食啦!

對於整嘢食真係又愛又恨,可以想整先整,又有人鍾意食就最好!

市面上的麵包

以前我都食咩落肚?

由小六開始就訂呢本雜誌比亞仔睇,2個月出一本,係一本健康的雜誌!
細個好鍾意睇書睇到唔想瞓,依家就望電腦電話望到唔願瞓,
所以都一路訂,放係書桌總會囉嚟睇吓.....

今期有兩頁講麵包 ==" 唉...唔明白人點解咁做?算唔算叫做自相殘殺 ... 成日都睇到D人,制造,種,養D唔應該比人食落肚,直頭唔應該存在的所謂食物出嚟比人食! 

全麥牛奶吐司

係冰箱儲備吐司,幾時想食就有得食...
今次跟呢本韓國人出的食譜,我好鍾意呢本食譜,
佢全部食材用天然健康的材料,糖份用蜜糖楓糖代替,
更保濕更有風味!

今次學佢用白脫牛奶,係將牛奶加檸汁或白醋靜置一陣,
書度寫會發酵得好好,我無唯意,當身最後發酵時,
同樣時間,平時都係去到80%,今次打開蓋嚇死我,
麵糰已經痴住蓋,所以攪到而表皮個樣好"肉酸"
不過見到發得咁好真係好感動!!