思念的日子

原本我最喜歡的季節是秋夏春冬....
但近年一到秋天,心情就有d鬱悶....
可能係因為您離開的關係....轉眼就三年....仲係非常的思念您!!

生煎包

昨晚做定老麵糰,今朝9:30am閙鍾嚮先起身做生煎包的麵糰,
因為少爺一放假就夜瞓,早上起得好遲,我可以慢慢做!
因為加大咗份量先醒起可能唔夠肉碎,所以加咗盒豆腐,
不過就難包d,不過都好味,雖然老公還是那句,餡可以再咸d...
就算可以我都唔想...調味料都係適可而止好d ^^

 呢個生煎包係跟Carol自在生活做的  http://caroleasylife.blogspot.com/2009/04/blog-post.html

咖啡貝果

老公鍾意食法包,但問佢鍾唔鍾意食貝果,佢就話一般啦 ....
我就幾鍾意佢食落有D煙UN 口感,係網上學到保存方法,下次可以做多D!

貝果的麵糰唔痴手幾好搓...4個份量

高粉  :             200g  
酵母  :              2.4g

砂糖  :               16g
塩     :               2.4g

 水    :             120ML

咖啡粉 :              3g

烘焙書

我雖然唔鍾意讀書,不過就好鍾意書,仔大咗...開始搵番自己愛好時,布手作係個開始....

除了布,工具,書都買咗好多....搬屋時忍痛扔/比咗好多朋友...留下的真的唔捨得!

當然成品同收藏的唔成正比....

做皮革時真係好忍得,因為一櫃書一櫃工具,一櫃布...每次想起都有d內疚!!

至於麵包書就差不多本本都有用,而且暫時都係布書的一半...

每次番嚟我都會張d書包好,也會好珍惜咁睇....

當做麵包上手後,覺得來來去去都差不多,網上都有好多資料,比起布手作...應該唔洗再買烘焙書,但久唔久就會出本自己好有興趣的....上星期同朋友見到呢本書,好想買...爭扎完放低,今日終於忍唔住去買....

仲係側邊比我見到本更吸引的,真係好正,超識合我呢個無機搓麵糰的大懶鬼!唔敢爭扎太耐,因為知道自己遲早都會買......

番嚟當然第一時間包好,得閒慢慢睇 ^^

麥麩煙肉麥穗麵包

跟住低溫冷藏發酵食譜做,因為覺得麥麩份量太多,
所以將佢包煙肉,老公見到都會照食!!

廚房用具

今日幫亞仔買校服,原本應該近近地去彩虹,不過唔想搵,
所以索性坐車去沙田買,剛好校服檔側邊有間8元店,
其實係八個幾....但唔記得佢尾數係幾多,入去執咗三樣平嘢,
插係煲側邊的放湯匙的深藍矽膠,寫住可以耐500度,
至於個括,見過最平係烘焙店賣15元,至於係一田/叔婆賣幾錢?
只記得睇過覺得好貴,而且我都有好多呢類括,不過呢度咁平...
就買件專括餸用啦!!

日式咖哩雞&印度南餅

今日晚餐係亞仔最鍾意的,用日本咖哩磚加雞排肉,薯仔,紅蘿蔔做的咖哩,

再加埋跟 Cecillia 做的印度南餅  http://www.wretch.cc/blog/Cecillia/18981596

真係好好味,就咁食都好好味!

電飯煲焗麵包

昨晚試用電飯煲焗麵包功能,自己搓好麵糰,用佢做第一次50分鐘發酵,
之後囉出嚟排氣,再放入去做第二次35分鐘發酵,打開望吓,發得好好,
就用40分鐘焗.好順利...超簡單,放涼入袋.
今朝切時都好軟熟,可能因為發得好,切出嚟睇,個底部唔會
聚埋一齊,組織好平均,只係唔係方型&面層白色,
但麵包皮一D都唔厚,而且因為實在簡單無壓力下做,所以我好滿意!
我直頭當方包咁食用,方便簡單係我做人原則...哈哈!

電飯煲做溫泉蛋

之前醒唔起電飯煲有溫泉蛋功能,走去用六十元買咗個溫泉蛋膠盒仔,
好在剛好CC叔婆無貨,那個有折都要九十幾.....
但每次做都要試時間,次次都過熟,唔易控制
昨晚就試用電飯煲做,同樣雞蛋係雪櫃囉出室溫放半個鍾,
跟住跟足佢指示,加500ML水,放蛋,按制,嗶嗶聲就攪掂,
好開心,第一次做溫泉蛋,D蛋白唔痴殼!
不過吓次要試吓將佢預設時間加兩分鐘,
因為比亞仔食,想個蛋黃再熟的咁多 ^^"

芝麻餐包

最近先醒起我家電飯煲有發酵/焗麵包蛋糕/溫泉蛋功能....
等我仲突登去買隻做溫泉蛋的雞{雞型膠盒}不過好難控制時間!
得閒要試吓個飯煲先! 但發酵就試過幾次,相當理想,
呢個飯煲仲要係一田大減價好平買番嚟,真底用!!
平時都係搓好麵糰放雪櫃發酵,第二朝先做其他步驟,
但個飯煲發得咁好,我就索性做埋分割靜置,做型後連焗盆放雪櫃最後發酵,
今朝老公早放一個鐘,因為只係得番最後焗的程序,所以好快有得食...
餐包內仲包咗小小芝士餐肉...依家因為自己搓粉,每次一路做都覺得好香
好正,好想立即食,真係唔想等第二朝.....

小收穫

今日同朋友去花墟,行去火車站時經過一間新開的,買碗碟的店便入去找我一直想買,
用嚟煮飯時放鑊鏟油掃的碟,點知睇中個咖啡色弧尾杯&方形盆,仲寫住可入焗爐,
不過大陸做有d驚顏料是否安全,暫時未想到放咩,平平地十玩八塊....用嚟擺用嚟睇都開心!!

平底鍋煎芝士餐肉包

早餐要半小時內攪定,所以做定呢款包,
一份發酵好哂放冰箱,一份就入雪櫃做最後發酵今朝煎!
真係好放便!因為無易潔鍋所以用咗Staub 鍋.

食譜跟呢度 http://www.cecillia.com.tw/

冷藏發酵鬆餠

大老爺番通宵,昨天早上回來,等我焗麵包時竟然係椅度瞓著咗....
好可憐...我又無可能5點起身整架,所以昨晚做定鬆餅漿,
照片係剛係雪櫃囉出,唔知係咪新雪櫃凍d,麵槳無上次發得咁好,
好在放咗半個鍾室溫後又高d,200g粉剛好煎到六塊
7點半食完老公就立即瞓了!真係超簡單的早餐!
不過因為煎的時間只需好短,所以唔係好行得開整第二d嘢 ^^"

玄米粉塩麴芝麻麵包

昨天做了 " Cecillia優雅過生活 "其中一個簡單揉的食譜,
加了10g在日本買的玄米粉...好香!!

揉麵板剪綵

呢套揉麵板同工具,由我開始做麵包已經一直好想擁有,
其實上年已經有朋友幫我係日本搵到支細揉麵捧,
不過係白色身粉紅頭,但當我係網上見到呢套啡色....就一見鍾情,
加上好似擁有佢先似高手的揉麵板...哈哈!終於去日本抬番嚟,
望住都好滿足!!
第二部麵包機終於工作過奴,係個攪拌位出d好似巧克力碎的東西出嚟,
仲要係我剛開的北海道粉度,真係肉痛死我!不過比起上一部淘寶四個月
就出油,呢個助手都算係咁....暫時都唔會考慮買麵包機了!
幫揉麵板剪綵吧!!

做咗個芝士火腿包

豆乳麵包

火腿卷

新歡

三十分鐘的精神緊張訂了一部容量大的雪櫃,貨已到樓下,但要拆箱才能入電梯,然後這邊大師傅(爸爸)卻發現鐵閘上手安裝時焊死了,用盡方法也拆不到,已經要放棄了,又突然可以了...再加上聲寶的送貨師傅超小心的幫我入屋,真的很感謝他們,給他們一百個讚,給老公五百個讚,給父親大人一千個讚!!這新歡剛好是舊愛的2倍容量,好似大老爺同我相識時和現在的對比一樣!真係恨咗好耐的助手,希望可以和它相愛終老...放下心頭大石,感恩滿足!!

以後去大埔只需擔心囉唔到,唔洗擔心冰箱放唔入了!哈哈!

不過d乾貨始終都係好阻地方.... 

牛排

窩心

因為昨天沒有買定兒子早餐,今早6:10am便起床,

落街買早餐給兒子,原來兒子都醒了,他在床上對我說 :

(媽咪..您日日咁起身咪好辛苦囉?)

嘩!只是一句說話竟能使人如此窩心!!                                     2008年11月5日下午3:40

今天孩子到了青春期,雖然他本質很好,但也小了很多甜言蜜語.....

Blog 要搬家,也不知是否可順利留存舊日的生活日記,

所以有時間還是自己努力的一點點搬走,想留下的回憶....

法式牛奶麵包

想做呢款麵包好耐,一直都遲疑係因為呢款包的餡料,
因為老板成個星期返早班而無做麵包,
昨晚就決定做吓呢個每次打開自己本手抄筆記,
望到都好想做的包,真係好味,其實比起街買的奶油包,
已經健康好多....而且我加咗小小香草糖,好香.....

食譜係跟呢度,我最鍾意的網站,每款麵包都簡易好味

   http://www.wretch.cc/blog/Cecillia/18347060