也有一手.....

自從突然要住院幾天,家中許多任務..都要由上班的丈夫代努!

雖然平日我這懶惰的太太也不多做家務,不過基本的照顧一家

的起居飲食也不得不做!

真的非常欣慰及感激有一個這樣的丈夫,單是外表高大..心胸廣闊,

細心.有智慧..也是一個努力的人,遇到難題也從沒見他放棄,最後總是

見他解決到的! 有時想....跟我這一個"花C9"一起真是有點可惜!

這段時間他幫忙做了很多家務,比起我他真的勤力多....

這晚他還煮飯...嘩!煮得非常好,色香味都齊,連平日幾難服侍的兒子也吃得

津津有味.....可能我平時每天都要煮飯,煮久了...沒有勁,有時都很求其,

來來去去都沒有新意.而他剛開始就非常成功,由其那個"魚子虾仁炒蛋"

(可惜忘了拍照)第一次就做到像酒樓一樣...知道他自己也很開心!

還很起勁的拿起我"買來妝飾"的食譜書籍,不停的在看

可能很快我真的可以做少奶奶了

他真的很好...許多不足的我,能夠跟他在一起真的很感恩!

善忘

出院了剛好一個月,雖然血液中的不明抗體還沒完全消失,

但貧血已經好多了,生活又開始回復正常(又要開始做家務...

做回自己本份)現實是殘酷的...少奶奶的美夢終歸要醒!

其實也不忍心看著丈夫辛苦的幫忙....

不過....最大感觸是想起在醫院..雖然經歷了...可能自己會死之後,

應該對人對事都會有新看法,應該活得更豁達!更善待自己生命!

可是一個月過去...當面對兒子的時候,還是不能放鬆心情,

精神自自然然緊起來! 雖然他是個好孩子.....也很愛我,

(因為他愛我,所以時常都察覺到他努力的想乖想聽話)

但他氣人的本領確有一手,而我又是用很容易開心..容易生氣的人!

生來的性格要真正改變....真的談何容易呢?.................2010年5月27日下午3:09

健康無價

昨天去覆診,姑娘開張新咭比我,當時真係幾感觸....
番屋企搵番我第一張覆診咭,原來係10年4月開始...
時間真係過得好快,仲記初初出嚟做嘢,有位男同事同我睇相,
佢話我40歲唔死都會一直病到死,無想過會比佢講中...
好在呢個唔係會令我好痛苦的病,就算當初發現溶血時,
都只係驚而無咩突別不適....但都有d改變,每日要食藥啦,
由以前從來都唔驚打針到依家,每次覆診前去抽血都唔敢望...
唔好彩遇著d手法差的姑娘,針口真係有疼又痛....
呢個突然而來的病....唔知幾時會突然好番呢?

不過,因為近幾次覆診發現血壓開始有d高,所以去咗照頸動脈超聲波,
昨天睇照血管的報告,發現三酯甘油高,呢個真係有d驚,
其實比起身分邊的家人朋友,我都算食好清,可能真係無做運動的關係,
但一想起要做運動....頭痛,唔知做嘜好,無樣鍾意,游水都鍾意又無咁傷筋骨,
不過想起泳池又覺得好污穢....

再加上呢排筋膜炎,行步路都痛,真係好無心情...
記得媽媽係醫院最後的日子講過,零願無錢,都想做個健康的人....

快d秋天啦...依家d天氣真係攪到個人咩心機都無!.....................2013年7月6日下午12:12