奇妙的一天

對我嚟講就好似神蹟一樣,自從P君開始讀中學,雖然尚算乖仔,但...
除咗上學&練波真係點都唔肯出街,就算答應咗到真係要出都係無用,
我已經放棄....
今日,突然間話同我地落樓下食飯,我都唔敢相信,
一直好煩咁問住佢,我唔煮飯啦,係咪真架!
就算係呢刻我都仲覺得好神奇...
希望係好開始,終於我地都有家庭日了!!
轉眼14年...真係快高長大 

大老板的充電器機套

皮革課程完咗,無想過會咁快開工,我好懶,想咗過百個布袋皮袋點整點做,
不過都係想....因為我份人一係唔做,一做就停唔到,完全唔想理其他嘢,
但屋企又好多嘢要我理,由其個仔係屋企....
老板去完深水埗番嚟,就叫我幫佢做個機套,要見到燈,要有個位放線,
不過比起佢之前聽歌的手提擴音器,已經易好多....
我話雖然話ok,但心理面都想,唔知佢要等到何年何月....
中午,突然瘋了...開工,結果做到12點幾...仲差小小埋尾,
唔想收工,但又會噪到亞仔,唯有今朝亞仔出門立即整埋佢,
點知老板又要的我出去食嘢,其實我都已經好勁肚餓,
最後,囉住支針,小剪,早餐&坐車時做埋佢....
唉,完美小姐對自己唔完美的成品,
總有d心心不憤,不過都明白心急點會出細貨,
不過老板接受就算,心裡暗暗決定一定要再做個完美d,
不理(知)何年何月.....
手指頭好痛,真係唔想再做皮革,不過好似女人生仔咁,
下次又會唔記得教訓!

複製鎖匙包

老公喜歡用這款鎖匙包,但已經找不到以前買的檔口,
之前做了布的給他,但很快殘,現在學皮,當然要做番一個比佢啦!

乳酪咖啡蛋撻

因為性格急所以真係見到食譜簡單,先會跟住做,因為甜點比較多步驟,
我成日都會錯,今次因為易無出錯,不過就醜樣,但好味,好在個模靚

食譜來自 : 君之的手作烘焙坊