雙芝包

今朝約咗妹妹一家同老豆去飲茶,間茶樓因為係會員制,所以好多位又C服!
食物都好好味,又唔貴,真係幾好!最好係近

昨天做咗兩款麵包比佢地,北海道粟米片麵包唔記得拍照,最後一包北海道粟米片用完,
CC又未見有得賣,昨天一路做都覺得粟米味好香!可惜....
另外就用雙酵做咗芝麻芝士麵包,老公半夜放工番嚟肚餓,
囉咗個比佢食,第一啖就話好香好味!! 
希望今日D麵包都仲好味啦!! 

煙肉麥穗麵包

原味餐包

今日一個下午完全係待產心情,無心插柳而做的天然酵母,今日終於用嚟做麵包!
全程都戰戰兢兢,我用米麴做酵母種,然後加落乳酪度做速效酸奶酵母種,最後做成老麵!
不過經過四日發酵的老麵打開時有D酒味,心裡面就有D驚,好在搵到位好好人的高人問先安心D,而我再補充粉同水,係室溫發酵一個鐘後好活躍又無咗陣味,就當佢OK!再次入番雪櫃....
不過養酵母真係好好玩 可惜今晚食得太飽,試唔到個包包希望佢會好美味啦!

南瓜椰糖年糕

亞仔唔食南瓜,但好鍾意食年糕,下面個碟就係佢一個包哂,想食佢一舊都難
好耐以前一次買粟粉,見到個盒有南瓜年糕食譜,覺得有益好多,就剪咗比媽媽試下做,
因為食唔出南瓜味同質感,所以亞仔從此就食到有益的南瓜了.
媽媽唔係度...搵唔返個食譜,唯有係網上搵...起初整嘢食,總係呢樣個樣都減糖,
出嚟好淡,第一次做亞仔只試咗一啖經過一段時間,明白唔夠本事,
唔可以亂咁將人地辛苦制作出嚟的食譜改動! 今次跟足食譜的糖份,
出嚟的成品剛剛好,一d都唔太甜,我放底碟年糕比亞仔就行去廚房,聽到佢囉筷子,
跟往就講咗句 " 嘩!好正,好似街個d咁好味! " 我就同佢講"以前你食個d,唔係街買,係婆婆做.."
媽媽....我好掛住你!

材料: (份量: 2~3 個方形糕盆)
                             1/3 份量
南瓜               650g             220
原糖               600g             200
清水               400ml + 100ml     300(不加椰汁)
糯米粉          800g              270
澄麵粉          400g              130
椰汁               400ml   

藍色字是我自己減小了的份量,食譜已經忘記在那個blog找的了,

希望blog 主不要介意我分享出來,也感謝她分享食譜

巧克力戚風蛋糕

嚟緊呢幾個月,亞仔多咗時間係屋企,我d工具都唔洗點收埋......

好在簡單易做,下次減價要買多個模具,咁就可以做多個!一個真係唔係好夠!好在係唔落油都超軟的健康版.

檸檬戚風蛋糕

剛才還站在廚房一直考慮做不做這蛋糕,因為兒子放假,總要做些點心給他吃,
看著食譜很吸引,實在很簡單,完全沒提要小心蛋白有水有油會打不起,真的沒決定錯,
不計焗的時間...制作加清洗工具不用30分鐘,而且雖然不添加油,但出來的蛋糕一樣鬆軟滑潤,
非常可口 !!食譜跟"好吃不發肥低卡甜點" 

印度烤餅

晚餐兒子想吃咖哩,想起這個一直想試做的印度烤餅,立即開工....覺得個麵團唔夠滑,學人甩打幾下,小皇爺聽到走過嚟話想試下, 點知佢只係"用力"甩打幾下,個麵團完全唔同哂...好柔軟!好靚仔....
不 過,我第一次覺得個麵團好可憐.. .

決定得有D遲,做得有D趕,休息唔夠,捍得唔夠薄,下次可以做好D,唔知係咪甩打過勁,太有咬勁定本身係咁,
不過老公應該會鍾意食 要再試做下先!!

清蒸檸檬蛋糕

可能休息咗幾日...今日雖然無開焗爐,不過都做咗兩樣食品,過足手引
不過天氣真係太熱....
係網上睇到呢個食譜就好想做....自從開始做麵包後,真係越嚟越鍾意檸檬!!聽朝比亞仔做早餐!!
下次可以小10克糖加多D檸檬汁!!應該仲好味!